கோவில் அடிமை நிறுத்து - என்ன கருமம்டா இது?
இணையத்தில் போட வேண்டிய கொத்துக்குறி (#) ஐ எதுக்கு பதாகையில் போட்டு வச்சுகிட்டு?
உலகிலேயே கோரிக்கை முழக்கத்தையே தவறாக எழுதிய ஒரே கும்பல் இந்தக் காவிக்கும்பல்.
கோயில் அடிமை நிறுத்து என்றால் என்ன ?
கோயிலுக்குச் செல்லும் அடிமைகளை நிறுத்து என்று இந்துக்களை இழிவு படுத்துவது போல் தோன்றுவதால் இந்து மக்கள் கட்சி உடனே போராட்டத்தை அறிவித்திருக்கலாம்.
பஞ்சாப் உழவர்கள் போராட்டத்தில், க்ரேட்டா துன்பெர்க் ஒரு Tool Kit ஐ பகிர்ந்து கொண்டதற்காக கபாலமே வெடிக்குமளவுக்கு கூச்சல் போட்ட காவிபயங்கரவாதிகள், சிவராத்திரிக்கு சாமி கும்பிட வருபவர்களிடையே இப்படி கோயில்களைப்பாதுகாக்கும் தமிழ்நாட்டு அரசுக்கு எதிராகப் போராட்டத்தைத் திணிப்பது மட்டும் Tool Kit வகையில் வராதா ?
கர்நாடகாவிலிருந்து இங்கே கஞ்சா விக்க வந்த, மனைவியைக் கொன்றதாக ஐயத்திற்குரிய நபர், வனப்பகுதியை ஆக்ரமித்து வைத்துக் கொண்டு தமிழ்நாட்டின் கோயில்களை தமிழ்நாட்டு அரசிடமிருந்து விடுவிக்க வேண்டும் என்று கேட்கும் ஜகதீஷ் வாசுதேவ் க்கு என்ன தகுதி இருக்கிறது ?
இந்த பித்தலாட்டச் சாமியாரிடமிருந்து ஈஷா மையத்தை மீட்டு தமிழ்நாட்டு அறநிலையத் துறையின் கீழ் கொண்டு வரவேண்டும்.
மனிதன் பூஜை செய்வதால்தான் கோயில்கள் அழிகின்றன எனில் மனிதர்கள்தான் சாமியையும் மதத்தையும் கோயில்களையும் உருவாக்கி நடத்துகிறார்கள் என்று வெட்கமில்லாம் ஒத்துக் கொள்கிறார்கள்.
கோயிலுக்குள் தமிழ் வழிபாடு வேண்டுமென்று நாம் கேட்டால் வேறு கோயில் கட்டிக்கொள் உன் விருப்பப்படி வழிபாடு செய், எங்கள் நம்பிக்கையில் தலையிடாதே என்பார்கள் காவிகள். அவர்களுக்கும் அதே பதில்தான் நாம் சொல்வோம்.
சரியாக 11999 கோயில்கள் ஒருவேளை பூஜை இன்றி அழிகின்றன எனில்,
தியானலிங்கம், ஆதியோகி என்று பெரிய பொம்மைகளை நிறுவி புரளிகளைக் கிளப்பாமல் இருக்க வேண்டும்
இனி புதிது புதிதாக சாமி சிலைகளைத் திறப்பதைக் கைவிட வேண்டும், தெருவுக்கு ஒரு கோயில் கட்டுவதைக் கைவிட வேண்டும்,
கொஞ்சம் மேல்தட்டு மக்கள் வசிக்கும் வட்டாரங்களில் சாய்பாபா கோயில்கள், ஆஞ்சநேயர் கோயில்கள் புதிது புதிதாகக் கட்டுவதைக் கைவிட வேண்டும்.
மேலும் தினுசு தினுசாகக் கிளப்பப்படும் சிவராத்திரி, தாமிரபரணி புஷ்கரணி, 40 வருடங்களுக்குப் பிறகு அத்திவரதர், கோரோனாவுக்கு கைதட்டுவது விளக்கேற்றுவது போன்ற கேடுகெட்ட பழக்கங்களைப் புறந்தள்ள வேண்டும்.
எல்லாவற்றுக்கும் மேலாக வருடா வருடம் நாட்டையே நாறடிக்கும், பணத்தைப் பாழாக்கும் விநாயகர் சதுர்த்திக்கு என்றே புதுப்புதுப் பெயரில் காவி இயக்கங்கள் தொடங்கி காசு பறிக்கும் கீழ்த்தரமான செயல்களைப் புறக்கணிக்க வேண்டும்.
ஏற்கெனவே கவனிப்பாரற்றுக் கிடக்கும் பழைய சிதிலமடைந்த கோயில்களைப் புனரமைத்துப் பாதுகாக்கவும் பராமரிக்கவும் சூடும் சுரணையும் மானமும் நேர்மையும் அறமும் உடைய பக்தர்கள் முன்வரவேண்டும். அதை விட்டு விட்டு அரசாங்கத்தை எதிர்ப்பதையும், அறநிலையத்துறையை எதிர்ப்பதையும் விட்டு விட்டு ஆகும் வழியைப் பார்க்க வேண்டும். பக்தர்களே செய்வீர்களா செய்வீர்களா ?
Post Comment
தடுப்பு ஊசி போடும் கடவுள் நம்பிக்கையாளர்கள்
இவண்
சிவக்குமார்
on மார்ச் 09, 2021
குறிச்சொற்கள்
கடவுள் நம்பிக்கை,
கொரோனா,
பக்தர்
/
Comments: (0)
கொரோனாவைப் படைத்தது அல்லது உருவாக்கியது யார் கடவுளா ? கடவுள் நம்பிக்கையாளர்களின் நம்பிக்கைப்படி கொள்கைப்படி கொரோனா என்ற தீநுண்மியைப் படைத்தது கடவுள்தான்.
கடவுள் எதற்காக இதைப் படைக்க வேண்டும் ? மனிதனுக்குப் பயனில்லாத உயிர்கள் பூமியில் பல உள்ளன. அது போல் இதையும் கொள்ளலாமா ? முடியாதே இது மனிதனின் இருப்புக்கே கேடு விளைவிக்கும் அளவிற்கு மோசமான விளைவுகளை ஏற்படுத்தும்.
கொரோனாவைப் படைத்தது கடவுள் எனில் அதற்கான தடுப்பூசியை உருவாக்குவதும் கடவுளின் விருப்பத்திற்கு மாறானதுதானே ? இது முரண்பாட்டை கடவுள் நம்பிக்கையாளர்கள் எப்படி எளிதில் கடந்து போகிறார்கள் என்பது மிகப்பெரிய ஆச்சரியம்.
இந்திய மக்கள் கட்சியின் (அதாஙக் பாரதிய ஜனதா கட்சி) ஹ. ராஜா அவர்கள் தடுப்பூசி போடும் படத்தைப் பார்த்ததும் இப்படி எழுதத் தோன்றியது மனம் முழுதும் பல்வேறு கடவுள்கள், வலது கையில் ஏதோ சாமி கயிறுகள், கழுத்தில் ஏதோ மாலை, நெற்றியில் பொட்டு இவையிருந்தும் கடவுள்களை நம்பாமல்,முக்கவசமும் தடுப்பூசியும் போட்டுக் கொள்ளும் பக்தர். கடவுளும் மதமும் கலவரம் செய்யவும் அரசியல் அதிகாரத்தைப் பெற்று தனது இனத்தவரை ஆதிக்கம் செய்யும் அளவுக்கு முன்னேற்றவும் செய்யும் கருவிகள் என்று தெளிவாகப் புரிந்து வைத்துள்ளார்.
கடவுள் நம்பிக்கை உடையவர்கள் உலகில் தாம் வாழ்வதற்காகச் செய்யும் முன் எச்சரிக்கை நடவடிக்கைகளும், பகுத்தறிவு நடவடிக்கைகளும், அறிவியல் செயல்களும் அவர்களின் கடவுள் நம்பிக்கையை சற்றும் இடறுவதில்லை.
Post Comment
வணிக நிறுவனங்களுக்குப் பெயர் சூட்டுவதில் முஸ்லிம்களின் மதச்சார்பின்மை
இவண்
சிவக்குமார்
on பிப்ரவரி 17, 2021
குறிச்சொற்கள்
இந்து,
இந்துத்துவம்,
மதச்சார்பின்மை,
முஸ்லிம்கள்,
RSS
/
Comments: (0)
முகமதியர்களின் மதச்சார்பின்மை பற்றிய இந்துத்துவவாதிகளின் ஒப்புதல் கருத்துக்கள்.
முஸ்லிம்கள் மதச்சார்பற்றவர்கள், அடுத்தவர் பண்பாட்டை மதிக்க மாட்டார்கள் என்று குற்றம் சொல்வோரின் வாயிலிருந்தே முஸ்லிம்களின் மதச்சார்பின்மையும், அவர்கள் இஸ்லாம் மதத்திற்கு நேர் எதிரான கொள்கைகளின் படியும் பெயர் வைத்தும் வாழ்கின்றனர் என்று தெரிய வந்தது.
இந்துக்கள் செறிவாக இருக்கும் பகுதியில் கடை வைக்கும் முஸ்லிம்கள், தங்களது பெயரையோ முஸ்லிம் மதம் சார்ந்த அரபுப் பெயர்களையோ வைப்பதில்லை. மாறாக பொதுவான பெயர்களையே வைக்கிறார்கள். காவிகளுக்குப் பிடிக்காத தமிழில் கூட வைக்காமல் ஆங்கிலத்தில் வைக்கிறார்கள். இதன் மூலம் இந்துக்களின் மனம் புண்படாமல் தான் முஸ்லிம் கடைகளில் வாங்குகிறோம் என்ற குற்ற உணர்ச்சிக்கு ஆளாக்காமல் இருக்கிறார்கள்.
மதச்சார்பற்ற ஆங்கிலப் பொதுச் சொற்களில் பெயர் வைக்கிறார்கள்.
எ. கா :
நியூ சிட்டி லெதர், ராயல் ட்ரேடர்ஸ், சூப்பர் மெடிக்கல்ஸ், ரிலீப் மெடிக்கல்ஸ், ஸ்டார் தியேட்டர், சூப்பர் வாக், நியூ மைனா ஹோட்டல், ஆரஞ்சு டிபார்ட்மெண்ட் ஸ்டோர், ஸ்டார் ஜெனரல் ஸ்டோர்
தூய தமிழிலும் வைக்கிறார்கள்
எடுத்துக்காட்டு - சங்கம், சீமாட்டி சில்க்ஸ், பாரி மளிகை, வசந்தம் டிபார்ட்மென்டல் ஸ்டோர், நலம் மெடிக்கல்ஸ், காவேரி மெடிக்கல்ஸ், ஹோட்டல் செல்லப்பா
செங்கிருதத்திலும் இந்தியிலும் வைக்கிறார்கள்.
எடுத்துக்காட்டு - மகாராஜா டெக்ஸ்டைல்ஸ், சர்க்கார் மளிகை, ராஜ்கமல் பட்டாசு கடை, மஜா மஜா உணவகம் (ஜம் ஜம் தண்ணீர் ஐத்தான் மஜா மஜா என்று திருப்பி எழுதியிருப்பார்கள் என்று ஒரு தேசபக்தருக்காவது தோன்றும்), பவித்ரா ஹோட்டல்
இந்தியா, தமிழ்நாடு, ஆகிய பெயர்களையும் சேர்த்து வைக்கிறார்கள்.
எடுத்துக்காட்டு - தமிழ்நாடு துணிக்கடை, இந்தியன், ஜெய்ஹிந்த் சீமாட்டி புட்வேர், நேஷனல் ஸ்டோர், இந்தியா ஸ்டோர், இந்தியன் பேக்கரி
ஊர்ப்பெயர்களிலும் வைக்கிறார்கள்.
கொடைக்கானல் ஹோட்டல்
முஸ்லிம் பெரும்பான்மை இல்லாத வேறு நாட்டுப் பெயர்களையும் வைக்கிறார்கள்.
லண்டன் ஹார்டுவேர், சிங்கப்பூர் ஹார்டுவேர், பர்மா ஹார்டுவேர்
அதற்கும் மேலாக இந்துப் புராணத்தில் வரும் பெயர்கள், இந்துக் கடவுள்களின் பெயர்களையும் தமது வணிக நிறுவனங்களுக்கு வைக்கிறார்கள்.
எடுத்துக்காட்டு - கிஷ்கிந்தா ட்ரெஸ்ஸஸ், லட்சுமி ஸ்டோர்ஸ், கணபதி ஸ்டோர்ஸ்
இன்னும் சில
பாவா மெடிக்கல்ஸ், ரெங்கா டிபார்ட்மென்டல் ஸ்டோர், ரோஜா டிபார்ட்மெண்ட் ஸ்டோர், ராயல்
இதெல்லாம் போதாதென்று தங்களது பெயர் கண்டு சிறுமை கொள்ளும் பெரும்பான்மையினரை மதித்து சுமையா பானு, சபியா பானு, கதிஜா பானு என்ற பெயர்களில் வைக்காமல் முஸ்லிம் என்று உறைக்காத பானு ட்ரென்ட்ஸ் என்று வைக்கிறார்கள்.
முகமது அமித்சா என்று முழுப்பெயர் இடாமல் M.A. ட்ரேடர்ஸ் என்றும், வானதி பீவி மகளிர் தையலகம் என்பதற்குப் பதிலாக V.B. தையலகம் என்றும் பெரும்பான்மை உணர்வுக்கு மதிப்பளித்து பெயர் வைக்கிறார்கள்.
எல்லாவற்றுக்கும் மேலாக இந்துக்களின் பூஜைகளுக்குப் பயன்படும் விளக்குகள், திரி, எண்ணெய்கள், இன்ன பிற பொருட்களையும் விற்கிறார்கள். தீபாவளிப் பட்டாசுகளையும் விற்கிறார்கள்.
என்ன செய்வது பாய் கடை பிரியாணி மாதிரி வருமா என்று எல்லா இந்துக்களும் பிரியாணிக்கு அடிமையாகி விட்டதால் அதை மட்டும் ஐய்யங்கார் பிரியாணிக் கடை என்று போடுவதற்கு முஸ்லிம்கள் விரும்புவதில்லை.
திரையடிகளின் ஆதாரம் இந்த இணைப்பில் உள்ள இடுகையில் வந்த கருத்துக்கள்
அன்பு இருக்கையில் வெறுப்பைத் தேர்ந்தெடுத்த இந்துத்துவா அன்பர்கள் இதை 1600 தடவை பகிர்ந்துள்ளார்கள். இதை எப்படித் தடுக்க முடியும் ?
Post Comment
பாஜகவின் கல்யாணராமன் மேல் குண்டர் சட்டம் தொடுக்கப்படுவது தவறு
இவண்
சிவக்குமார்
on பிப்ரவரி 11, 2021
குறிச்சொற்கள்
குஜராத் படுகொலை,
முஸ்லிம்கள்,
RSS
/
Comments: (0)
முதலில் குண்டர் சட்டம் மக்களாட்சிக்கு எதிரானது.
நபிகள் நாயகத்தை அவதூறாகப் பேசியதற்கு குண்டர் சட்டத்தில் கைது என்பது மிகவும் தவறானது. இதை வன்மையாகக் கண்டிக்கிறேன்.
மதத்தை விமர்சனம் செய்வதையே எதிர்க்கும் மதவாதிகளின் ஆயுதம்தான் புண்படுத்துவது, இழிவுபடுத்துவது, அவதூறு செய்வது போன்ற சொற்கள்.
முஸ்லிம்களின் மத உணர்வுக்கு காவல்துறை அஞ்சுகிறது என்ற குற்றச்சாட்டு உண்மையாகும்.
இவர் முஸ்லிம்கள் மீதான குஜராத் படுகொலைகளை ஆதரித்துப் பெருமையாகப் பேசியதற்கும் அவர்கள் மீது வெறுப்பைத் தூண்டியதற்கும்தான் குற்றவாளியாகக் கருதப்பட வேண்டும்.
இல்லையென்றால் அவதூறு வழக்கில் குண்டர் சட்டம் எனில் மார்க்சிய, அண்ணலிய, பெரியாரிய போராளிகள் மீது இதைப் பயன்படுத்த பல வழிகள் உள்ளன.
Download As PDF
















